အာမခံလုပ်ငန်းကြီးကြပ်ရေးအဖွဲ့၏ လမ်းညွှန်ချက်အရ အာမခံကိုယ်စားလှယ်များသည် သက်တမ်း (၂) နှစ်ရှိ ကိုယ်စားလှယ်လုပ်ကိုင်ခွင့် လိုင်စင် ကိုင်ဆောင်၍ အာမခံပေါ်လစီရောင်းချရန်အတွက်  ဆွဲဆောင်စည်းရုံးခြင်း၊ ညှိနှိုင်းခြင်းနှင့် ဆွေးနွေးတိုင်ပင်ခြင်းစသည့်  အာမခံဝန်ဆောင်မှုလုပ်ငန်းများ  ဆောင်ရွက်ပေးလျက်ရှိရာ လိုင်စင်သက်တမ်းတိုးသည့်အခါတိုင်း “ကိုယ်စားလှယ်လိုင်စင် သက်တမ်းတိုးလျှောက်လွှာ”ပါ အချက်အလက်များကို ပြည့်စုံစွာ ဖြည့်စွက်လျှောက်ထားရမည်ဖြစ်ပါသည်။ 

အာမခံကိုယ်စားလှယ် လိုင်စင်သက်တမ်းတိုးရန် လိုအပ်ချက်များ

၁။ ပြည့်စုံစွာဖြည့်စွက်ထားသော အာမခံကိုယ်စားလှယ်လိုင်စင် သက်တမ်းတိုးလျှောက်လွှာ

၂။ အာမခံကိုယ်စားလှယ်၏ တစ်နှစ်တာအတွင်း ရောင်းချခဲ့သော အာမခံပေါ်လစီအရေအတွက်

၃။ အာမခံကုမ္ပဏီ၏ ကိုယ်စားလှယ်လုပ်ငန်းဆောင်ရွက်နေကြောင်း အတည်ပြုချက်

၄။ လိုင်စင်ကတ်မူရင်း

၅။ လိုင်စင်ဓာတ်ပုံ (၃) ပုံ

၆။ အာမခံကိုယ်စားလှယ်အချက်အလက်ဖြည့်စွက်ထားသော မှတ်ပုံတင်ကတ်ပြားပုံစံ

၇။ နှစ်စဉ်ကြေး (ငွေသွင်းချလန်) မူရင်း